أسرار الكوكيز #29 : ما تدخليش الصينية كاملة للفران!

سلسلة أسرار الكوكيز | الحلقة #29

ما تدخليش الصينية كاملة للفران!

جربي كوكيز واحد الأول

إلا النتيجة ما عجباتكش… باقي عندك فرصة تصلحيها!

هاد الحركة الصغيرة وفرت ليا بزاف ديال العجين والتجارب الفاشلة.

خصوصاً إلا كنتي:
• جربتي وصفة جديدة
• بدلتي نوع الدقيق أو السكر
• غيرتي حجم الكوكيز
• أو غيرتي درجة حرارة الفرن

ما تخاطريش بالدفعة كاملة.

1. شكلي كوكيز واحد بنفس الوزن اللي غادي تستعملي.
2. دخليه للفران بوحدو.
3. شوفي واش فرش بزاف، بقى غليظ، تحمر بسرعة، أو خرج بالقوام اللي بغيتي.
4. من بعد عدلي الحاجة اللي محتاجة تعديل قبل ما تدخلي باقي الكويرات.

طيبي واحد فقط، شوفي النتيجة، ومن بعد قرري واش خاصك تبدلي شي حاجة.

لأن تعديل وصفة من بعد ما طيبتي 12 كوكيز… فات الوقت

Save هاد النصيحة للمرة الجاية اللي تجربي فيها وصفة جديدة.

كتبي كوكيز في التعليق و غادي نصيفط ليك ملف فيه أسرار الكوكيز.

هادي سلسلة “أسرار الكوكيز”، كل أسبوع كنشارك معاكم أسرار ونصائح جديدة باش ينجح ليكم الكوكيز من أول مرة. تابعوني باش ما يفوتكم حتى حلقة. وماتنساوش تقراو النصائح لي فاتو