Recettes & astuces
Astuce
أسرار الكوكيز #27 : علاش غير صفار البيض؟
علاش فبعض وصفات الكوكيز كنستعملو غير صفار البيض؟ يمكن سبق ليك شفتي وصفة فيها صفار البيض فقط وتساءلتي: واش ما نقدرش نستعمل البيضة كاملة؟ الجواب هو: نقدروا، ولكن النتيجة…
سلسلة أسرار الكوكيز | الحلقة #27
علاش فبعض وصفات الكوكيز كنستعملو غير صفار البيض؟
يمكن سبق ليك شفتي وصفة فيها صفار البيض فقط وتساءلتي:
واش ما نقدرش نستعمل البيضة كاملة؟
الجواب هو: نقدروا، ولكن النتيجة غادي تختلف!
1. صفار البيض كيعطي طراوة وغنى
الصفار فيه الدهون، وهاد الدهون كتساعد الكوكيز يخرج moelleux، غني وكيدوب فالفم.
2. كيساعد على الحصول على texture أكثر نعومة
إلى كانت الوصفة مصممة بصفار البيض، فحذف البياض كيقلل من البروتينات اللي كتساهم فشدّ العجينة، وبالتالي كنحصلو على كوكيز أكثر طراوة وأقل قساوة.
3. كيعطي لون زوين
الصفار كيساهم حتى فـ اللون الذهبي اللي كنحبو نشوفو فالكوكيز.
وعلاش ما نستعملوش البيضة كاملة؟
حيت البياض فيه الماء والبروتينات، وإضافتو كتبدل توازن الوصفة: ممكن العجينة تولي أكثر رطوبة أو الكوكيز يخرج بقوام مختلف على اللي كانت الوصفة كتستهدف.
🏻 الخلاصة:
ماشي حيث صفار البيض “أحسن” دائماً من البيضة كاملة، ولكن حيث كل وصفة عندها توازن خاص بين الدهون، السوائل والدقيق.
يعني إلا لقيتي فالوصفة: 1 jaune d’œuf، ما تبدليش مباشرة ببيضة كاملة
حيت حتى تغيير صغير فالمكونات يقدر يبدل الtexture، الانتشار والنتيجة النهائية ديال الكوكيز.
وإنتِ؟ سبق ليك تساءلتي علاش كنستعملو غير الصفار؟
كتبي ليا فالكومنت 🏻
وحفظي هاد المعلومة، يمكن تحتاجيها فالوصفة الجاية
هادي سلسلة “أسرار الكوكيز”، كل أسبوع كنشارك معاكم أسرار ونصائح جديدة باش ينجح ليكم الكوكيز من أول مرة. تابعوني باش ما يفوتكم حتى حلقة. وماتنساوش تقراو النصائح لي فاتو
Voir la vidéo sur Instagram
علاش فبعض وصفات الكوكيز كنستعملو غير صفار البيض؟
يمكن سبق ليك شفتي وصفة فيها صفار البيض فقط وتساءلتي:
واش ما نقدرش نستعمل البيضة كاملة؟
الجواب هو: نقدروا، ولكن النتيجة غادي تختلف!
1. صفار البيض كيعطي طراوة وغنى
الصفار فيه الدهون، وهاد الدهون كتساعد الكوكيز يخرج moelleux، غني وكيدوب فالفم.
2. كيساعد على الحصول على texture أكثر نعومة
إلى كانت الوصفة مصممة بصفار البيض، فحذف البياض كيقلل من البروتينات اللي كتساهم فشدّ العجينة، وبالتالي كنحصلو على كوكيز أكثر طراوة وأقل قساوة.
3. كيعطي لون زوين
الصفار كيساهم حتى فـ اللون الذهبي اللي كنحبو نشوفو فالكوكيز.
وعلاش ما نستعملوش البيضة كاملة؟
حيت البياض فيه الماء والبروتينات، وإضافتو كتبدل توازن الوصفة: ممكن العجينة تولي أكثر رطوبة أو الكوكيز يخرج بقوام مختلف على اللي كانت الوصفة كتستهدف.
🏻 الخلاصة:
ماشي حيث صفار البيض “أحسن” دائماً من البيضة كاملة، ولكن حيث كل وصفة عندها توازن خاص بين الدهون، السوائل والدقيق.
يعني إلا لقيتي فالوصفة: 1 jaune d’œuf، ما تبدليش مباشرة ببيضة كاملة
حيت حتى تغيير صغير فالمكونات يقدر يبدل الtexture، الانتشار والنتيجة النهائية ديال الكوكيز.
وإنتِ؟ سبق ليك تساءلتي علاش كنستعملو غير الصفار؟
كتبي ليا فالكومنت 🏻
وحفظي هاد المعلومة، يمكن تحتاجيها فالوصفة الجاية
هادي سلسلة “أسرار الكوكيز”، كل أسبوع كنشارك معاكم أسرار ونصائح جديدة باش ينجح ليكم الكوكيز من أول مرة. تابعوني باش ما يفوتكم حتى حلقة. وماتنساوش تقراو النصائح لي فاتو
